Pedals de Foc non ei pas ua activitat de caire competitiu, tot e que i a registre de pas en bèth punt deth recorregut. Er interès ei completar eth recorregut en tot passar-s'ac çò de més ben.
Es participants auràn d'aportar eth materiau personau mínim antà portar a tèrme era activitat, e tanben ua bicicleta en bones condicions entà hèr eth recorregut e un equip de reparacions mínim.
Abantes de començar er itinerari, es participants auràn d'anar a Pedals de Foc en Vielha (Carrer Arnals 8 baixos) entà recuélher eth roadbook e es presents.
Toti aqueri qu'acaben eth recorregut damb es contraròtles de pas sageradi, poderàn recuélher en Pedals de Foc en Vielha eth mailhòt exclusiu de Pedals de Foc.
Eth respècte ath entorn ei absolutament prioritari, era conduccion durant eth recorregut serà eth menos agressiva possible, jamès s'enlordirà eth entorn de cap manera e se respectaràn es normes establèrtes pera Direccion deth Parc, Organismes competenti o propietaris des terrens de pas, hent especiau atencion ara realizacion a pè des trams indicats pera direccion deth Parc.
En es activitats damb guia, es membres deth grop seguiràn en tot moment es indicacions deth guia. Sense excepcion.
Pedals de Foc ei ua activitat ar aire liure damb un cèrt component d'aventura. Es incleméncies meteorologiques, a non èster casi extrems, non son motiu de suspension dera activitat.
Ei important considerar es aspèctes pes/volum ara ora de premanir-se eth equipatge tà transportar durant era trauessa. Pensatz qu'auratz de portar-ac tot ensús. Tanben auetz era possibilitat de hèr que vos ac pòrte era organizacion (guardar pàg.reserves).
................................................................................................................................................................
PEDALS DE FOC recomane qu'ajatz ua assegurança contractada, vos proposaram dues opcions :
1 - A trauèrs dera FEDERACIÓ CATALANA DE CICLISME era LLICÈNCIA CICLOTURISTA AUTONÒMICA (Cicloturistes BTT- Lleure) a validesa deth 1 de gèr ath 31 de deseme e a un còst de 49 € e se pòt formalizar directament ara Federació. Eth numero de telefon de contacte ei 93 301 24 44
2 - A trauèrs dera FEEC ( Federació d'Entitats Excursionistes de Catalunya ) era LLICÈNCIA DE MODALITAT D qu'a un còst de 94,5 € Entà mès informacion www.feec.org
